Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

922 daz er vor mir niht enstrîtet.
      wan ich sol in disen drin tagen
      des endes varn, und niemen sagen,
      in den walt ze Breziljân,
      suochen unz ich vunden hân
927 den stîc den Kâlogrenant
      sô engen und sô rûhen vant.
      und dâ nâch sol ich schouwen
      die schœnen juncvrouwen,
      des êrbæren wirtes kint,
932 diu beidiu alsô hövesch sint.
      so gesihe ich, swenne ich scheide dan,
      den vil ungetânen man
      der dâ pfliget der tiere.
      dar nâch sô sihe ich schiere
937 den stein und den brunnen:
      des müezen sî mir gunnen
      daz ich in eine begieze,
      ich engeltes ode genieze.
      desn wirt nû niemen zuo gedâht
942 unz ichz habe volbrâht:
[ zurück ]