einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1012 dâ von sô zæme uns beiden woldaz wir lebeten âne strît mit ein ander alle zît. wan dîn unbescheiden zorn der ist ouch zewâre verlorn:1017 wan swer dar zuo nû kæme daz er daz vernæme, ez wære niuwan sîn spot. von diu lâzen wir ez durch got und gedenken dar an1022 daz wir beide sîn ein man. nû zwiu solde ich âne dich oder waz möhtest dû âne mich? Ist daz dûz vürdermâle lâst, swaz dû mich missehandelt hâst1027 daz wil ich varn lâzen. ouch maht dû michs gerne erlâzen; bist dû mir guot, sam bin ich dir, wan âne ein ander mugen wir deheine wîle genesen.1032 wir müezen iemer sament wesen, |