einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2596 ûf ein anderz er gesazund warnte sich mit schilte baz und mit niuwem baniere. daz entete er nie sô schiere ê er die sîne zuo sach varn. 2601 nû enmohte er zwischen den scharn getjostieren mêre. nû wart dâ vil sêre geslagen und gestochen, manec sper zebrochen, 2606 dô beidenthalp diu ritterschaft mit sô williger kraft zesamene liezen strîchen. nû mohte sich gelîchen der schal von den scheften 2611 niuwan dâ von windes kreften ein walt begunde vallen. dô tete erz vor in allen, Êrec fil de roi Lac, wande er den mântac 2616 maneges ros erledegete dâ. |