Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4881 ode doch daz eine:
        sô wær mîn angest cleine.
        sus enweiz ich mîn deheinen rât.
        ich bin, als ez mir nû stât,
        gunêret ob ich rîte
4886 und geschendet ob ich bîte.
        nune mag ichs beidiu niht bestân
        und getar doch ir dewederz lân.
        nû gebe mir got guoten rât,
        der mich unz her geleitet hât,
4891 daz ich mich beidenthalp bewar
        sô daz ich rehte gevar.
        ichn wil benamen die niht lân
        der ich mich ê geheizen hân
        und diu ir angest und ir leit
4896 niuwan von mînen schulden treit:
        wan liez ich die danne,
        wie zæme daz guotem manne?
        doch wære diu eine maget
        dâ wider schiere verclaget,
4901 wider dem schaden der hie geschiht,
[ zurück ]