einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9902 sô enmöhtez nimmer sîn geschehen.als si die vrouwen heten gesehen, daz dûhte si ein vremdiu sache. nû vuorte si ze gemache diu vil edel künegîn. 9907 ir sêle müeze sælic sîn, wan si vil gerne âne bete vol tugentlîche tete. nû weste der künec Artûs die geste gerne in sînem hûs. 9912 und als er in beite sît sô lange unz in des dûhte zît daz er möhte zuo in gân, hie was Êrec und Walwân, ouch Guivreiz, si drîe 9917 und diu ander massenîe under ein ander vil vrô. zuo in sprach der künec dô: "ir herren, wir suln gân schouwen unser niuwekomen vrouwen, 9922 und trœsten si nâch ir leide." |