Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2974 des bewîset mich: sô tuot ir wol.'
         Des antwurte im der vischære dô:
        'sît dû des gerst, vriunt, sô wis vrô.
        dêswâr ich bringe dich wol hein.
        ich weiz hie bî uns einen stein,
2979 ein lützel über disen sê:
        dâ mac dir wol werden wê.
        swie wir daz erringen
        daz wir dich dar bringen,
        dâ mahtû dich mit swæren tagen
2984 dînes kumbers wol beklagen.
        er ist dir genuoc wilde.
        wart des ie dehein bilde
        daz dîn muot ze riuwe stât,
        sô tuon ich dir einen ganzen rât.
2989 ich hân ein îsenhalten
        nû lange her behalten:
        die wil ich dir ze stiure geben,
        daz dû bestætest dîn leben
        ûf dem selben steine.
2994 die sliuz ze dînem beine.
[ zurück ]