Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3480 ein rîcher grâve, ûfe saz.
        nû wâren si beide âne maz
        alle die naht geriten
        und hâten kumber erliten.
        des hûses wâren si vrô,
3485 wande si gedâhten dô
        dâ ze ruowen über tac
        in einem markte der dar under lac.
        si begunden hin gâhen
        dâ si den market sâhen.
3490 nû bekam in ûf dem wege
        ein knabe, der hete in sîner phlege
        gesoten schultern unde brôt,
        gewunden, als man im gebôt,
        und bewart ze vlîze
3495 in eine tweheln wîze:
        ein kandel vuorte er an der hant
        mit wîne. wem diz wart gesant,
        des enist mir niht geseit.
        dô dirre knabe zuo reit,
3500 ze vlîze begunde er schouwen
[ zurück ]