einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5291 sîn muot stuont niuwan dardâ er âventiure vunde. nû reit er dâ ze stunde ein wênige wîle, kûme eine mîle: 5296 dô hôrte er eine stimme jæmerlîchen grimme von dem wege wüefen, nâch helfe rüefen erbarmeclîchen ein wîp, 5301 der was bekumbert ir lîp. als er daz rüefen vernam, michel wunder in des nam waz diu rede möhte sîn. dô was doch sîn manheit schîn. 5306 er hiez vrouwen Ênîten sîn dâ ze stete bîten und tete si erbeizen ze wege. ir sorge ergap si in gotes phlege, als si der wille lêrte, 5311 dô er von ir kêrte. |