einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec10080 swie lange si werte,swes man ze vreuden gerte wie vil des menneclîch dâ vant! hie sazte er sô sîn lant daz ez vridelîchen stuont. 10085 er tete sam die wîsen tuont, die des gote genâde sagent swaz si êren bejagent und ez von im wellent hân. sô triuget manegen ein wân 10090 der in benamen beswîchet, sô er sich des muotes rîchet, ob im iht guotes widervert, daz im daz sî beschert niuwan von sîner vrümekeit, 10095 unds gote dehein genâde seit. vil lîhte ein ende des geschiht! alsô endete der künec niht. sît in got hâte gêret, dô wartz ouch im gekêret 10100 ze lobe in allen stunden. |