einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4883 sus enweiz ich mîn deheinen rât.ich bin, als ez mir nû stât, gunêret ob ich rîte und geschendet ob ich bîte. nune mag ichs beidiu niht bestân4888 und getar doch ir dewederz lân. nû gebe mir got guoten rât, der mich unz her geleitet hât, daz ich mich beidenthalp bewar sô daz ich rehte gevar.4893 ichn wil benamen die niht lân der ich mich ê geheizen hân und diu ir angest und ir leit niuwan von mînen schulden treit: wan liez ich die danne,4898 wie zæme daz guotem manne? doch wære diu eine maget dâ wider schiere verclaget, wider dem schaden der hie geschiht, gieng ez mir an die triuwe niht.4903 sô wære ouch dirre wirt wol wert, |