Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1005 wol ze buoze gesat.
        nû geruochet mir den lîp lân.
        und habe ich iht des getân
        des ich von rehte engelten sol,
        daz widerdiene ich harte wol."
1010 Êrec erbarmde sich dô.
        zuo dem ritter sprach er sô:
        "nû wil ich iuch leben lân:
        des enhetet ir mir niht getân."
        nû gap er im des sicherheit
1015 daz er im wære bereit
        ze leisten swaz ern hieze,
        daz er in leben lieze.
        als diu sicherheit was getân,
        dô hiez er in ûf stân.
1020 und als si zuo den stunden
        ir houbet beide enbunden,
        er sprach: "nû sult ir mich gewern,
        des enwil ich niht enbern,
        ez enmüeze mîn vrouwe diu künegîn
1025 wider ir laster gêret sîn.
[ zurück ]