Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3702 und gæbe si niht sô rîchen muot,
        sô enwære der werlde niht sô guot
        noch sô rehte wæge,
        sô ob man ir verphlæge.
        nû enhât aber niemen selhe kraft,
3707 und ergrîfet in ir meisterschaft,
        er enmüeze ir entwîchen.
        swer aber ir gewislîchen
        ze rehte kunde gephlegen,
        den enlieze si niht under wegen,
3712 im enwære der lôn von ir bereit
        daz in sîn arbeit
        niht dorfte riuwen,
        huote er sîner triuwen
        baz dan der grâve tæte.
3717 der enwas dar an niht stæte,
        wan in vrou Minne betwanc
        ûf einen valschen gedanc,
        daz er dem vil biderben man
        sîn wîp ze nemenne muot gewan.
3722 vier ritter er zuo im nam.
[ zurück ]