Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3885 schaden unde schande
        ich armiu ze allen zîten wone.
        swer bezzer mich dâ vone
        nâch êren lœsen wolde,
        gerne ich des volgen solde:
3890 dar zuo vergultez im got.
        ich wânde diu rede wære iuwer spot.
        ist daz ir mir bescheinet
        ob ir die rede meinet
        mit etelîcher sicherheit,
3895 sô bin ich iuwer bete bereit."
        der rede was der grâve vrô.
        lachende antwurte er ir sô:
        "ir enmuget iuch des niht erwern,
        wan ich wil iu stæte swern."
3900 sîn vinger wurden ûf geleit,
        diu vrouwe gap im den eit:
        ouch gap si im dâ zestat,
        ze leisten des er gebat,
        ein ungewissez phant,
3905 ir triuwe an sîne hant.
[ zurück ]