einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4809 im ze sînen hulden:sî dûhte ez wære von schulden. sî prîsten sêre sînen muot: er dûhtes biderbe unde guot, in allen wîs ein hövesch man.4814 daz kuren sî dar an daz der lewe bî im lac und anders sites niene pflac niuwan als ein ander schâf. guot spîse und dar nâch senfter slâf4819 diu wâren im bereit hie, und erwachte dô der tac ûf gie, und hôrte eine messe vruo und bereite sich darzuo als er kempfen wolde4824 den der dâ komen solde. Als er dô niemen komen sach, daz was im leit, unde sprach 'herre, nu wær ich iu gereit: iu ist der lîp unverseit:4829 wâ ist der dâ komen sol? |