einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1356 do erkande ir triuwe und ir nôt cordis speculâtor, vor dem deheines herzen tor vürnames niht beslozzen ist, sît er durch sînen süezen list 1361 an in beiden des geruochte, daz er si versuochte rehte alsô volleclîchen sam Jôben den rîchen. do er in des siechen hant 1364b bärmde und triuwe vant und ouch die vil reine maget an triuwen vant sô unverzaget daz si benamen ir leben in gotes güete wolde geben, 1365 dô erzeicte der heilic Krist wie liep im triuwe und bärmde ist und schiet si dô beide von allem ir leide und machete in dâ zestunt 1370 reine unde wol gesunt. |