einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich606 sô wære er bezzer ungeborn. ez ist mir komen ûf daz zil, des ich got iemer loben wil, daz ich den jungen lîp mac geben umbe daz êwige leben. 611 Nû sult ir mirz niht leiden. ich wil mir und iu beiden vil harte wol mite varn. ich mac uns eine wol bewarn vor schaden und vor leide, 616 als ich iu nû bescheide. wir hân êre unde guot; daz meinet mînes herren muot, wan er uns leit nie gesprach und ouch daz guot nie abe gebrach. 621 die wîle daz er leben sol, sô stât unser sache wol; und lâze wir den ersterben, sô müeze wir verderben. den wil ich uns vristen 626 mit alsô schœnen listen |