Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2979 wan ich sagt irz vür die wârheit:
        wan ez was ouch mir vür wâr geseit.
        sî sprach, und sach mich twerhes an,
        'dune hâst niht wâr, Hartman.'
        'vrouwe, ich hân entriuwen.' sî sprach 'nein.'
2984 der strît was lanc under uns zwein,
        unz sî mich brâhte ûf die vart
        daz ich ir nâch jehende wart.
        er vuorte dez wîp und den man,
        und volget im doch dewederz dan,
2989 als ich iu nû bescheide.
        sî wehselten beide
        der herzen under in zwein,
        diu vrouwe und her Îwein:
        im volget ir herze und sîn lîp,
2994 und beleip sîn herze und daz wîp.
         Dô sprach ich 'mîn vrou Minne,
        nu bedunket mîne sinne
        daz mîn her Îwein sî verlorn,
        sît er sîn herze hât verkorn:
2999 wan daz gap im ellen unde kraft.
[ zurück ]