einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein7640 daz êren er im niht vertruoc:wan redte er wol, sô redte er baz. hie was zorn âne haz. Der rede vil dâ geschach, daz man ir ietwedern sach7645 des andern prîs mêren mit sîn selbes êren. des vreute der künec sich. er sprach 'ir müezent an mich den strît lâzen beide,7650 durch daz ich iu bescheide daz iuch des wol genüeget und sich ouch mir wol vüeget.' Diu rede wart im bevolhen gar. die juncvrouwen lâter dar.7655 er sprach 'wâ ist nû diu maget diu ir swester hât versaget niuwan durch ir übermuot ir erbeteil unt taz guot daz in ir vater beiden lie?'7660 dô sprach sî gâhes 'ich bin hie.' |