Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2514 des gedingen wil ich leben,
        unz ich die rede rehte ervar.'
        ein bote wart gewunnen dar
        und besande alsô balde
        ir herren dâ ze walde.
2519 Der bote gâhte dô zehant
        dâ er sînen herren vant.
        zuo dem sprach er alsus:
        'herzoge Grêgôrius,
        ob ir iemer mîne vrouwen
2524 lebende welt beschouwen,
        so geseht si vil drâte
        oder ir komet ze spâte.
        ich lie si in grôzer ungehabe.'
        nû wart Grêgôrius dar abe
2529 vil harte riuwic und unvrô.
        er sprach: 'geselle, wie redestû sô?
        jâ liez ich si an dirre stunt
        vil harte vrô und wol gesunt.'
        'herre, des wil ouch ich jehen.
2534 jâ ist ez an dirre stunt geschehen.'
[ zurück ]