Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7120 ze vollem gemache.
        von aller guoten sache
        sô was daz selbe hûs vol,
        rehte als ich iu sagen sol.
        ez stuont enmitten in einem sê:
7125 der gap im genuoc und dannoch mê
        der aller besten vische
        die ie ze küneges tische
        dehein man gebrâhte,
        swelher hande man gedâhte.
7130 dar zuo was dâ daz beste jaget
        dâ von uns ie wart gesaget.
        ez hete der künec umbe den sê
        wol zwô mîle oder mê
        des waldes in gevangen
7135 und mit mûre umbegangen:
        dar in gienc dehein tor mê
        niuwan ûz gegen dem sê.
        mit mûre was der selbe kreiz,
        als ich iu ze sagen weiz,
7140 gelîche endriu gescheiden.
[ zurück ]