Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

903 der leite sînen vlîz dar an
      daz si in næme ze man.
      und dô er sîn reht getete
      mit boteschefte und mit bete
      als erz versuochen solde
908 und si sîn niene wolde,
      nû wânde er si gewinnen sô:
      mit urliuge und mit drô
      sô bestuont er si zehant
      unde wuoste ir daz lant.
913 er gewan ir abe die besten
      stete und ir vesten
      unz er si gar vertreip,
      daz ir niht mê beleip
      niuwan eine ir houbetstat.
918 diu was ouch alsô besat
      mit tägelîcher huote,
      ez enwelle got der guote
      mit sînen gnâden understân,
      si muoz ouch die verlorn hân.
923 Nû lâzen dise rede hie
[ zurück ]