einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1782 sî pflac sîn daz er wol genas.Dô er guot gemach gewan, dô gienc sî von im dan und tete daz durch allez guot: vil starke ranc dar nâch ir muot1787 daz er herre wurde dâ. zuo ir vrouwen gienc sî sâ: der was sî heimlîch genuoc, sô daz sî gar mit ir truoc swaz sî tougens weste,1792 ir diu næhest und diu beste. ir râtes unde ir lêre gevolgete sî mêre dan aller ir vrouwen. sî sprach 'nû sol man schouwen1797 alrêrst iuwer vrümekheit dar an daz ir iuwer leit rehte und redelîchen traget. ez ist wîplich daz ir claget, und muget ouch ze vil clagen.1802 uns ist ein vrumer herre erslagen: |