einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1841 zuo dem brunnen mit her.enist dan nieman der in wer, so ist iuwer êre verlorn. habt ab ir ze wer erkorn von iuwerm gesinde deheinen man,1846 dâ sît ir gar betrogen an. und wære ir aller vrümekheit an ir einen geleit, dazn wær noch niht ein vrum man. swelher sich daz nimet an1851 daz er der beste sî von in, dern getar niemer dâ hin dem brunnen komen ze wer. sô bringet der künec Artûs ein her, die sint zen besten erkorn1856 die ie wurden geborn. vrouwe, durch daz sît gemant, welt ir den brunnen und daz lant niht verliesen âne strît, sô warnet iuch der wer enzît,1861 und lât iuwern swæren muot. |