Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3004 sô üebet sî manlîche tât
        und solde wol turnieren varn
        und er dâ heime daz hûs bewarn.
        mir ist zewâre starke leit
        daz sich ir beider gewonheit
3009 mit wehsel sô verkêret hât:
        wan nûne wirt ir deweders rât.'
         Dô zêch mich vrou Minne,
        ich wære kranker sinne.
        sî sprach 'tuo zuo dînen munt:
3014 dir ist diu beste vuore unkunt.
        dich geruorte nie mîn meisterschaft:
        ich bin ez Minne und gibe die kraft
        daz ofte man unde wîp
        habent herzelôsen lîp
3019 und hânt ir kraft doch deste baz.'
        do engetorst ich vrâgen vürbaz:
        wan swâ wîp unde man
        âne herze leben kan,
        daz wunder daz gesach ich nie:
3024 doch ergienc ez nâch ir rede hie.
[ zurück ]