Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

731 Dô bôt ich mîn unschulde
      und suochte sîne hulde:
      wan er was merre danne ich.
      done sprach er niht wider mich,
      wan daz ich mich werte,
736 ob ich mich gerne nerte.
      dô tete ich daz ich mohte,
      daz mir doch lützel tohte.
      ich tjostierte wider in:
      des vuort er mîn ors hin.
741 daz beste heil daz mir geschach,
      daz was daz ich mîn sper zebrach.
      vil schône sazte mich sîn hant
      hinder daz ors ûf daz lant,
      daz ich vil gar des vergaz
746 ob ich ûf ors ie gesaz.
      er nam mîn ors und lie mich ligen.
      mir was gelückes dâ verzigen.
      done muote mich niht sô sêre,
      ern bôt mir nie die êre
751 daz er mich wolde ane gesehen.
[ zurück ]