einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1604 du enbist sô harte niht verwenet,dû enmöhtest dir wol sanfte leben. si ennement dich niht ze râtgeben, jâ bist dû ze rihtære in vil unmære.1609 dâ von sô lâ dû dîne klage unde wellest dû, sô sage mir etewaz mêre daz geziehe ze guoter lêre. „Lîp, ich gibe dir hie an1614 die besten lêre die ich kan. wis stæte, daz ist der beste list, und merke, swie herte ist ein stein, ob er eteswâ lît daz ein tropfe ze aller zît1619 emziclîchen dar ûf gât, swie kleine kraft ein tropfe hât, er machet durch den stein ein loch. lîp, daz enkumet doch von des trophen krefte niht;1624 von der emzikeit ez geschiht |