Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3390 der mit lachenden siten,
        mit gelphen ougen gienge
        und liebe vriunt emphienge,
        mit goltvarwen hâre,
        daz iuch in zewâre
3395 ze sehenne luste harte,
        mit wol geschornem barte,
        in allen wîs alsô getân
        als er ze tanze solde gân,
        mit sô gelîmter beinwât
3400 sô si zer werlde beste stât,
        den envunden si niender dâ:
        er mohte wol wesen anderswâ.
         Ich sage iu waz si vunden.
        do si suochen begunden
3405 ûf dem wilden steine,
        der guote und der reine
        der wart ir schiere innen.
        nû wolde er in entrinnen,
        wan sîn schame diu was grôz:
3410 er was nacket unde blôz.
[ zurück ]