Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3161 dienstes si im gedâhten,
        daz si ouch volbrâhten
        mit almuosen und mit gebete.
        got dô genædeclichen tete,
        der ie der guoten vrâge riet.
3166 eines nahtes er beschiet
        wîsen Rômæren zwein,
        an den sô volleclichen schein
        diu triuwe und diu wârheit
        daz ir wort was ein eit.
3171 Dâ si besunder lâgen
        und ir gebetes phlâgen,
        diu gotes stimme sprach in zuo
        daz si des næhsten tages vruo
        Rômære zesamene bæten
3176 und in daz kunt tæten
        waz gotes wille wære
        umbe ir rihtære.
        ez wære gesezzen eine
        ûf einem wilden steine
3181 ein man in Equitâniâ
[ zurück ]