Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7513 wê, nein ez, durch got.
        "jâ stât dir spotlîch der munt."
        ich lache gerne ze aller stunt.
        "sô hân ichz doch errâten?"
        jâ, dâ si dâ trâten.
7518 "ich hân lîhte etewaz verdaget?"
        jâ enwizzet ir hiute waz ir saget.
        "hân ich danne niht wâr?"
        niht als grôz als umbe ein hâr.
        "hân ich danne gar gelogen?"
7523 niht, iuch hât sus betrogen
        iuwer kintlîcher wân.
        ir sult michz iu sagen lân.
        sehet wie grôz ein grûz sî:
        sô vil was dâ niht holzes bî.
7528 er was von helfenbeine
        und von edelem gesteine
        und von dem besten golde
        daz ie werden solde
        geliutert in dem viure:
7533 valsch was im tiure.
[ zurück ]