Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7552 dâ engegen ergraben was
        wie der herre Ênêas,
        der vil listige man,
        über sê vuor von dan,
        und wie er ze Kartâgô kam,
7557 und wie in in ir genâde nam
        diu rîche vrouwe Dîdô,
        unde wie er si dô
        vil ungeselleclîchen liez
        und enleiste ir niht des er gehiez:
7562 sus wart diu vrouwe betrogen.
        an dem hindern satelbogen
        sô was innerhalp ergraben
        ir vil starkez missehaben
        und wie si im boten sande,
7567 swie lützel si ins bewande.
        bescheidenlîchen stuont hie
        waz er dinges begie
        daz sagebære wesen mac
        von der zît unz an den tac
7572 daz er Laurente betwanc.