Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2996 nu bedunket mîne sinne
        daz mîn her Îwein sî verlorn,
        sît er sîn herze hât verkorn:
        wan daz gap im ellen unde kraft.
        waz touc er nû ze rîterschaft?
3001 er muoz verzagen als ein wîp,
        sît wîbes herze hât sîn lîp
        und sî mannes herze hât:
        sô üebet sî manlîche tât
        und solde wol turnieren varn
3006 und er dâ heime daz hûs bewarn.
        mir ist zewâre starke leit
        daz sich ir beider gewonheit
        mit wehsel sô verkêret hât:
        wan nûne wirt ir deweders rât.'
3011 Dô zêch mich vrou Minne,
        ich wære kranker sinne.
        sî sprach 'tuo zuo dînen munt:
        dir ist diu beste vuore unkunt.
        dich geruorte nie mîn meisterschaft:
3016 ich bin ez Minne und gibe die kraft
[ zurück ]