einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5652 deiswâr ich vinde wol den mander mir durch sîne hövescheit die gnâde niemer widerseit ern beschirme mich vor dir. swester, dû muost mir5657 mînen erbeteil lân ode einen kempfen hân. ich suoche den künec Artûs und vinde ouch kempfen dâ ze hûs der mich vor dîner hôchvart5662 durch sîn selbes tugent bewart.' Diz gemarhte diu unguote und ahte in ir muote waz sî dar umbe tæte: und durch ir karge ræte5667 sô sweic sî darzuo und kam ze hove vor ir sô vruo daz ir mîn her Gâwein wart. diu junger greif die nâchvart: daz machet ir kintheit,5672 dazs ir ir willen hete geseit. |