Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

6127 vür die sîn strâze rehte gienc,
        als er den burcwec gevienc.
        diu wincte im von verre.
        sî sprach 'lieber herre,
        die rede die man hie tuot,
6132 die tuot man niuwan durch guot.
        niene zürnet sô sêre.
        sî riuwet iuwer êre
        und diz rîterlîche wîp.
        ir müezet verliesen den lîp
6137 (daz enkunnt ir niemer bewarn),
        welt ir ûf die burc varn.
        jane redent siz durch deheinen haz,
        wan dazs iu des gunden baz
        daz ir dise burc mitet
6142 unde noch vürbaz ritet.
        wand uns ist ein gebot gegeben
        über guot und über leben,
        daz sich hie vor wîp noch man
        neme deheinen gast an
6147 ûzerhalp dem bürgetor:

[ zurück ]