Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7902 ernest wirt ode ist,
        sô muoz er wol ir hulde hân.
        ichn mac iuch des niht erlân
        irn geheizet imz mit eide
        ê daz ich von iu scheide.'
7907 des eides was sî vil gereit.
        vrou Lûnete gap den eit,
        und wart vil gar ûz genomen
        daz im ze staten mohte komen
        nâch dem sî dâ solde varn.
7912 sî sprach 'vrouwe, ich muoz bewarn
        mit selhen witzen den eit
        daz mich deheiner valscheit
        iemen zîhe dar an.
        er ist ein harte stæter man
7917 nâch dem ich dâ rîten sol,
        und bedarf dâ stæter rede wol.
        welt ir nâch im senden,
        diu wort mit werken enden
        der ich zem eide niht enbir,
7922 sô sprechet, vrouwe, nâch mir.'
[ zurück ]