Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2065 engegen in von sînem hûs
        mit sîner massenîe gar
        und emphienc die hêrlîchen schar
        mit vil grôzer werdekeit:
        ir komennes was er vil gemeit.
2070 ez wurden die guoten knehte
        emphangen nâch ir rehte
        und vil baz behalten.
        nû nenne ich iu die alten.
        daz was der künec Jernîs
2075 von Riel, biderbe unde wîs.
        der brâhte mit im dar
        eine lobelîche schar,
        driu hundert gesellen.
        der alter hœret zellen:
2080 in was daz houbet gar
        und der bart snêvar,
        nider gewahsen alsô tief
        daz er in ûf die gürtel swief.
        der aller jungest, daz ist wâr,
2085 der hete vierzic und hundert jâr.
[ zurück ]