Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6154 an der rede versûmet hân
        daz der stich wære getân.
        er vienc si gâhes an sich
        und erwante den stich.
        ûz der hant er irz brach,
6159 er warf ez von im unde sprach:
        "saget, wunderlîchez wîp,
        war umbe woldet ir den lîp
        selbe hân ersterbet
        und an iu hân verderbet
6164 daz schœniste bilde
        daz zam oder wilde
        ie mannes ouge gesach?"
        vrouwe Ênîte kûme sprach:
        "nû sehet ir, lieber herre,
6169 selbe waz mir gewerre."
        "woldet ir iu selbe tuon den tôt?"
        "herre, des gienc mir doch nôt."
        "was er iuwer âmîs ode iuwer man?"
        "beide, herre." "nû saget an,
6174 wer hât in iu erslagen?"
[ zurück ]