einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2114 nû emphienc der künec Artûsze Karadigân in sînem hûs dise rîchen geste sô er mohte beste. nû was komen der tac 2119 daz Êrec fil de roi Lac solde nemen vrouwen Ênîten. wes möhten si langer bîten? wan si wârens beidiu vrô. zesamene gap si dô 2124 eines bischoves hant von Cantwarje ûz Engellant. dô huop sich dâ ein hôchzît daz man ir vollen lop gît. dâ erschein dehein armuot. 2129 dâ was sô manec ritter guot daz ich iu ze einer mâze wil sagen von ir vrâze: wan si ahten mêre ûf ander êre 2134 danne daz si vræzen vil. |