einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1396 möhtez niht erziuget hân:ez muoste an dem herzogen stân. von sînem hûse man dar truoc spîse ebene genuoc. als im erschein der ander tac, 1401 Êrec fil de roi Lac der enwolde dâ niht langer tweln. sîn unmuoze begunde er zeln und sprach er müeste rîten und vüeren vrouwen Ênîten. 1406 dô bat in ir œheim, der herzoge von Tulmein, daz er si müeste vazzen baz: Êrec der widerredete daz. golt und silber er im bôt. 1411 er sprach des wære im unnôt: beide ros und gewant, dar zuo beslôz Êrec die hant, wan daz er ein pherit nam, daz ir ze rîtenne gezam, 1416 von ir nifteln, einer maget: |