einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3574 durch unsere bete."der knabe daz vil gerne tete. er hete si im elliu gegeben, wan daz der vrouwen leben dâ mite gesenftet wære: 3579 er liez ez durch ir swære. als er dô ein ros genam des in aller beste gezam, dô genâdete er im verre. er sprach: "lieber herre, 3584 nû gewert mich des ich iuch bite: dâ handelt ir mich wol mite. diu vrouwe lîdet von arbeit mit disen rossen michel leit, daz ich si vüeren müeze: 3589 der dienest ist mir süeze." Êrec sprach: "knabe, daz sult ir lân. jâ enist ez doch niht getân garwe âne sache. si muoz mit ungemache 3594 leben ze disen zîten." |