Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4095 nâch den rossen er dô rief.
        er sprach: "swer sîne sache
        wendet gar ze gemache,
        als ich hînaht hân getân,
        dem sol êre abe gân
4100 unde schande sîn bereit.
        wer gewan ie vrumen âne arbeit?
        mir ist geschehen vil rehte."
        nû kâmen ouch die knehte
        mit den rossen geriten.
4105 dô enwart niht langer gebiten.
        "wol ûf, ir herren" sprach er.
        niuwan schilt unde sper
        hâten si ze wer genomen:
        daz was von ir gæhe komen.
4110 dô begunde ûf gân der tac,
        daz si den huofslac
        und daz spor wol sâhen.
        nâch im wart michel gâhen.
        nû was Êrec zuo der wîle
4115 geriten wol drî mîle.
[ zurück ]