einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8140 dâ enkêrte er sich niht an.er was ein alsô vester man, swie in daz volc untrôste, daz in daz niht belôste sîner manlîchen stætekeit 8145 gegen einem hâre breit, und emphienc ez allez vür spot. er gedâhte: "die wîle und mich got wil in sîner huote hân, sô enmac mir niht missegân: 8150 und wil er mirs niht bîten, sô mac ich ze disen zîten alsô mære sterben, sô der lîp doch muoz verderben." er was eht herzen sorgen vrî 8155 nû reit er zuo und gruozte sî mit lachendem munde. nû huop er dâ ze stunde ein vil vrœlîchez liet. nû murmelte aber diu diet: 8160 "nû schînet du enwizzest niht wol |