Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1382 ze klôster, dâ er den abbet vant,
        und nam den getriuwen man
        von den liuten sunder hin dan.
         Er sprach: 'vil lieber herre,
        ich enkan iu niht sô verre
1387 gedanken mit dem munde,
        als, ob ich kunde,
        vil gerne tæte.
        nu belîbe ich dar an stæte
        daz ich unz an mînes tôdes zil
1392 den dar umbe biten wil
        der deheiner guottât
        niemer ungelônet lât
        daz er iu des lône
        mit der himelischen krône
1397 (dêswâr des hân ich michel reht)
        daz ir mich ellenden kneht
        von einem vunden kinde
        vür allez iuwer gesinde
        sô zartlichen habet erzogen.
1402 leider ich bin des betrogen,
[ zurück ]