Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2191 daz ez in sam müese ergân,
        ob si aber wolde bestân
        dehein gewaltigiu hant.
        si sprâchen, ez wære daz grôze lant
        mit einem wîbe unbewart
2196 vor unrehter hôchvart
        'und hete wir einen herren,
        so enmöhte uns niht gewerren.'
         Nû wurden si alsô drâte
        under in ze râte
2201 daz si die vrouwen bæten
        und daz mit vlîze tæten
        daz si einen man næme
        der in ze herren gezæme:
        daz wære in allen enden guot.
2206 si westen wol daz si den muot
        ir durch got hæte erkorn
        daz si hæte verborn
        und verbern wolde alle man.
        dâ missetæte si an:
2211 ir leben wære übele bewant,