Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

175 und wær mîn schulde grœzer iht,
      so belibe mir der lîp niht.
      vrouwe, habet gnâde mîn,
      und lât sus grôzen zorn sîn.
      iuwer zorn ist ze ungenædeclich:
180 nien brechet iuwer zuht durch mich.
      mîn laster wil ich vertragen,
      daz ir ruochet gedagen.
      ich kume nâch mînen schulden
      gerne ze sînen hulden:
185 nû bitet in sîn mære,
      des ê begunnen wære,
      durch iuwer liebe volsagen.
      man mac vil gerne vor iu dagen.'
       Sus antwurte Kâlogrenant
190 'ez ist umb iuch alsô gewant
      daz iu daz niemen merken sol,
      sprechet ir anders danne wol.
      mir ist ein dinc wol kunt:
      ezn sprichet niemannes munt
195 wan als in sîn herze lêret:
[ zurück ]