Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5735 nimt sî mir dar über iht,
        dazn lâze ich âne clage niht.'
         Wan diu alter weste
        daz sî der aller beste
        von dem hove wolte wern,
5740 do begunde sî vil tiure swern,
        sin geteilte ir niemer niht mite.
        dô sprach der künec 'sô ist hie site,
        swer ûf den anderen clage,
        daz er im wol vierzec tage
5745 kampfes müeze bîten.'
        sî sprach, wold iemen strîten,
        daz er dâ zehant strite,
        wand sîs niht langer enbite.
        dô daz den künec niht dûhte guot,
5750 dô bekêrte sî ir muot:
        wand sî was des ân angest gar
        daz sî iemen bræhte dar
        der ir kempfen überstrite,
        ob sî ir noch ein jâr bite.
5755 nû wart der kampf gesprochen
[ zurück ]