Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5888 dar rîtet unde vrâget sî.
        swes iu diu niht gesagen kan,
        des bewîset iuch hie nieman.'
         Dô sî sî vrâgende wart
        ob sî iht weste sîne vart,
5893 dô hiez ir vrou Lûnete,
        diu gerne höveschlîchen tete,
        ir pfärit gewinnen.
        sî sprach 'ich wil von hinnen
        mit iu rîten an die stat
5898 dar er mich mit im rîten bat,
        dô er hie vür mich gestreit
        unde ûz disem lande reit.'
        alsus bewîste sî sî dar
        und sprach 'vrouwe, nu nemet war,
5903 an dirre stat dâ liez ich in:
        war ab stüende sîn sin,
        des enwolder mir niht sagen.
        und ein dinc wil ich gote clagen:
        er und sîn lewe wâren wunt
5908 sô sêre daz er zuo der stunt
[ zurück ]