Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

396 daz mir bezzer wære
      mit êren genomen den tôt
      dan als unendehaftiu nôt
      dâ dû mich, herze, in hâst brâht.
      durch waz hâst dû dirs erdâht
401 daz dû mich alsô wellest twelen
      daz dû mich lebenden mügest quelen?
      Möhte ich nû wizzen daz,
      wâ von ich dînen haz
      von êrste gearnet hæte,
406 vil gerne ich dich bæte
      daz dû ez durch got verkürest
      und uns beide niht verlürest;
      wan ez dir schaden beginnet
      swenne dir mîn zerinnet.
411 wer sol den strît nû scheiden
      under uns beiden?
      wan du tuo ez durch gotes êre,
      und rich dich niht ze sêre.
      habe ich dir iht getân,
416 des lâ mich dir ze buoze stân

[ zurück ]