Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

146 eins dinges ich dich trœste:
      daz man dirz immer wol vertreit,
      daz kumt von dîner gewonheit,
      daz dûs die bœsen alle erlâst
      und niuwan haz ze den vrumen hâst.
151 dîn schelten ist ein prîsen
      wider alle die wîsen.
      dune hetest diz gesprochen,
      dû wærst benamen zebrochen;
      und wære daz, weiz got, vil wol,
156 wan dû bist bitters eiters vol,
      dâ dîn herze inne swebet
      und wider dînen êren strebet.'
       Keiî den zorn niht vertruoc,
      er sprach 'vrouwe, es ist genuoc.
161 ir habt mirs joch ze vil gesaget:
      und het irs ein teil verdaget,
      daz zæme iuwerm namen wol.
      ich enpfâhe gerne, als ich sol,
      iuwer zuht und iuwer meisterschaft:
166 doch hât sî alze grôze kraft.

[ zurück ]