Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

370 möhtez mit iuwern hulden sîn,
       ich vrâgete vil gerne:
       sô vil zuo Salerne
       von arzenîen meister ist,
       wie kumet daz ir deheines list
375 ziuwerm ungesunde
       niht gerâten kunde?
       herre, des wundert mich.<
       dô holte der arme Heinrich
       tiefen sûft von herzen;
380 mit bitterlîchem smerzen,
       mit selher riuwe er dô sprach,
       daz im der sûft daz wort zebrach:
       >ich hân den schämelîchen spot
       vil wol gedienet umbe got.
385 wan dû sæhe wol hie vor
       daz hôch offen stuont mîn tor
       nâch werltlîcher wünne
       und daz niemen in sînem künne
       sînen willen baz hete dan ich;
390 und was daz joch unmügelich,
[ zurück ]