Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6082 den liuten wol ze mâze
        die herbergen solden,
        als ouch sî gerne wolden.
         Diu burc stuont besunder,
        und ein market darunder:
6087 dâ kâmen sî in geriten.
        do enpfiengen sî mit unsiten
        alle die in den strâzen
        stuonden unde sâzen.
        sî möhten wol erschricken
6092 von ir twerhen blicken.
        sî kêrten in den rücke zuo,
        sî sprâchen 'ir kumt her ze vruo:
        man hete iuwer hie wol rât.
        und westet ir wiez hie stât,
6097 ir wæret vür gekêret.
        ir werdet hie lützel gêret.
        wem sît ir hie willekomen,
        od waz hât ir iuch an genomen
        mit iuwer reise dâ her?
6102 nû wer ist hie der iuwer ger?
[ zurück ]